Каспий итбалығының өмірі жөнінде ауқымды ағарту бағдарламасы басталды. Біздің орталық 5 жылдан астам уақыт бойы Ақтау қаласының оқушылары үшін дәрістер ұйымдастырып, Каспий жағалауына тақтайшалар орнатып, балықшылармен және жергілікті тұрғындармен әңгімелесіп, бүкіл өңірдің әл-ауқаты үшін Каспий итбалығын сақтаудың маңыздылығын айтып келеді. 28 маусымнан бастап қазіргі уақытқа дейін Форт-Шевченко қ., Баутин а., Кендірлі а. және Құлалы аралының жергілікті тұрғындарына, балықшыларына, студенттері мен оқушыларына Каспий эндемигінің өмірі жөнінде сауалнама жүргізілуде. Ағарту жобасы "Каспий теңізіндегі зиянды химиялық заттарды анықтау жолымен Каспий итбалығының мекендеу ортасын зерттеу" Ұлттық азаматтық бастамаларды қолдау орталығының (CISC) гранты шеңберінде өткізіледі. Сауалнамаға қатысушыларға Каспий итбалықтарын тану, жануардың анықталған жағдайда әрекет ету, сондай-ақ балық аулау торлары итбалықтардың жарақат алуына қалай әсер ететіні туралы 20 сұраққа жауап беру ұсынылды. Естеріңізге сала кетейік, Каспий итбалығын зерттеу және оңалту орталығы Ақтауда 2019 жылы CAIER институтының базасында құрылған. Бұл Солтүстік Каспийдегі Каспий итбалығына ветеринарлық көмек көрсететін жалғыз мекеме.